Вкупно осум години затвор за грабнување на Самоил Костадиновски
Денеска во Основниот Кривичен суд беше донесена пресуда за грабнување на Самоил Костадиновски.
Обвинетите Виктор Милановски и Саша Челичиќ против кои се водеше процесот, добија вкупно осум години затвор.
Судијката Славица Наумова Јосифовска во своето обраќање истакна дека обвинетите Виктор Милановски и Александар Трпков, кој моментално е недостапен на органите за прогон, се виновни затоа што на 3 март 2023 на улица „Христо Татарчев“ во Скопје, заедно извршиле грабнување со закана дека ќе го лишат од живот оштетениот Самоил Костадиновски, да се плати претходно украдената наркотична дрога – роба, која оштетениот не ја платил, додека, обвинетиот Саша Челикиќ со умисла им помогнал во извршување на кривичното дело грабнување.
„Согласно овие цитирани членови судот првообвинетиот, Виктор Милановски, го осудува на казна затвор во траење од пет години и десет месец во која му се смета и притворот од 13.3.2023, а на обвинетиот Саша Челикиќ му се определува казна затвор од две години и два месеци, во која му се смета и притворот од 13.3.2023 до 11.7.2023 година“, рече судијката.
