ВИДЕО Стотици демонстранти упаднаа во шведската амбасада во Багдад и ја запалија зградата
Стотици демонстранти кои протестираа против палењето на Куранот синоќа упаднаа во шведската амбасада во центарот на Багдад, при што запалија дел од зградата.
Серија видеа, објавени во групата One Baghdad Telegram, прикажуваат луѓе кои се собираат околу шведската амбасада околу 01:00 часот во четвртокот, извикувајќи слогани за поддршка на шиитскиот свештеник Муктад ал-Садр.
Еден час подоцна следеше напад на амбасадата, а на видеата се гледа како чад се издига од зградата во комплексот на амбасадата и демонстрантите кои стојат на нејзиниот покрив.
Сите вработени во амбасадата се добро, се вели во соопштението на шведското Министерство за надворешни работи, кое го осудува нападот и ја нагласува потребата ирачките власти да ги заштитат странските дипломатски претставништва.
Ирачката влада остро го осуди палењето на шведската амбасада во Багдад, а безбедносните сили добија наредба брзо да истражат и да ги казнат одговорните.
Инаку, демонстрациите беа организирани на покана на приврзаниците на шиитскиот свештеник Муктада ал Садр во знак на протест против второто планирано палење на Куранот во Шведска за неколку недели.
Ел-Садр е една од најмоќните фигури во Ирак, која командува со стотици илјади следбеници кои тој постојано ги изнесуваше на улиците.
Минатото лето тие ја окупираа силно утврдената Зелена зона во Багдад и учествуваа во судири, во кои имаше и жртви.
