ВИДЕО Снимен моментот кога почна разорниот земјотрес во Тибет, се почнува да се тресе, луѓето панично трчаат да се спасат!
Разорен земјотрес го погоди Тибет, а на социјалните мрежи се појави видео од моментот кога земјата почна да се тресе.
Најмалку 95 лица загинаа во разорниот земјотрес што утринава го погоди хималајскиот регион на Тибет во југозападна Кина. Според кинеските државни медиуми, многу згради се урнати.
Според првите информации, повредени се над 130 лица, а уништени се повеќе од илјада куќи. Пожарникарите трагаат по тела под урнатините.
Според новинската агенција Ксинхуа, земјотрес со јачина од 7,1 степени според Рихтеровата скала го погоди северното подножје на Хималаите во близина на еден од најсветите градови на Тибет во вторникот, оштетувајќи ги зградите околу Шигатсе и принудувајќи ги луѓето на улиците во соседните Непал и Индија.
Сега на социјалните мрежи се појави видео од моментот кога земјата почна да се тресе. Како што можете да видите на видеото, се почнало да се тресе, а граѓаните панично бегале.
За потсетување, земјотресот во 9:05 часот по локално време (01:05 часот по Гринич) бил на длабочина од 10 километри, соопшти Центарот за земјотреси во Кина.
