ВИДЕО Распарталено македонското знаме на Амбасадата во Брисел
Распарталено, искинато и недолично знаме се вее на македонската Амбасада во Брисел.
Според фотографиите, може да се забележи дека знамето на едниот крај е целосно распарталено што дури висат и конци од него, што никако не доликува да стои на една Амбасада.
Законот за употребата на грбот, знамето и химната на Република Македонија е јасен и вели:
„Грбот и знамето на Република Македонија не смеат да се употребуваат ако се дотраени, неуредни, искинати или на друг начин оштетени, или со својот изглед се неподобни за употреба. Оштетените или за употреба неподобните грб и знаме на Република Северна Македонија се повлекуваат од употреба.“
Инаку, вчера во Брисел се објавуваше и Извештајот за напредокот на земјите кои што претендираат да бидат членки на Европската Унија. Таму имаше голем број на високи претставници од ЕУ, голем број странски делагации, како и медиумски екипи.
