ВИДЕО Први снимки од хоророт на рели во Унгарија: Автомобил влета во публиката, има загинати меѓу кои и дете!
Четири лица загинаа денеска, меѓу кои и една девојка, а најмалку 30 се повредени кога автомобил излетал од патот и удрил во група гледачи на автомобилски собир во северозападна Унгарија, а сега на социјалните мрежи се појави ново видео од страшната несреќа. .
На првото видео кое се појави може да се види како возилото се лизга и удира во група гледачи, додека на новото видео се гледа точниот момент на ударот, бидејќи видеото е снимено од далечина. Имено, возачот губи контрола, автомобилот се излизга, зад него се појавува облак прашина, а потоа се гледа смртоносниот удар.
Автомобилот влета во публиката
За потсетување, несреќата се случила за време на автомобилска трка меѓу градовите Лабатлан и Бајо кај Дунав, соопшти полицијата, пренесе унгарскиот портал 24.hu.
На Фејсбук страницата на рели клубот Арабон беше објавено дека се повредени 30 лица.
Трката е прекината, автомобилот излетал од патот од се уште неразјаснети причини, а причините се истражуваат.
Според унгарските медиуми, меѓу жртвите има и девојка.
