ВИДЕО: Протести во Скопје и Битола за состојбата на здравството во Македонија
Смртта на малата Јана го крена народот на нозе во Скопје и Битола за состојбата во која се наоѓа македонското здравство. Под мотото „Правда за Јана“, „Сите сме Јана“ попладнево протести поради смртта на шестгодишната Јана која почина минатата недела на детското одделение во битолската болница.
Тука сме затоа што бараме правда за секој обичен граѓанин. Мораме да бидеме слушнати. Нашето молчење и тоа дека се е според закон и прописи, протоколи – можам да кажам дека смртта не доаѓа според закон, прописи, протоколи. Јана е од нешто отидена, бараме да откриеме зошто е така“, кажа жена присутна пред Министерството за здравство.
Семејството се сомнева во грешки во лекувањето, обвинителството ги чека резултатите од обдукцијата.
Битолското обвинителство сѐ уште го нема добиено обдукцискиот наод за 6-годишната Јана Христовска, која почина пред една недела во Клиничката болница во Битола.
Малата Јана почина минатата среда, откако родителите ја однесоа на преглед на детското одделение во Битолската болница со симптоми на блага настинка. Тие се сомневаат во лекарска грешка, затоа што состојбата на Јана нагло се влошила додека примала инфузја со гликоза, по што шеќерот во крвта се покачи од 9 на 19 единици и девојчето западна во кома и почина. Дали постои лекарска грешка, одлука ќе донесе обвинителството, врз основа на целокупната медицинска документација и обдукцискиот наод.
