ВИДЕО Општина Аеродром започна со отстранување на дивоградби
Во општина Аеродром денес започна акција за уредување на јавните површини и отстранување на нелегално изградени објекти.
Првиот на списокот беше поранешниот локал „Дежаву“ кај Капитол Мол, кој со години се наоѓаше на место идентификувано како дивоградба и незаконско заземање на јавен простор.
Рано утрово механизацијата изврши целосно отстранување на објектот, во координација со инспекциските служби. Според документацијата, станува збор за конструкција без одобрение за градба, поставена на општинска површина наменета за пешачки и јавни содржини.
Општината најавува продолжување на ваквите активности и на други локации каде се утврдени нерегуларности, со цел постепено враќање на јавниот простор и зачувување на урбанистичкиот поредок во Аеродром.
