ВИДЕО Нова ерупција: илјадници луѓе евакуирани
На југозападниот дел на Исланд, во близина на градот Гриндавик, утринава започна нова вулканска ерупција, соопшти метеоролошката служба на таа земја.
Имаше пет вулкански ерупции на полуостровот Рејкјанес од 2021 година, објави исландскиот јавен сервис RUV.
Населението на Гриндавик од околу 4.000 луѓе претходно беше евакуирано поради значителна сеизмичка и магма активност, а цивилната одбрана го подигна нивото на опасност во областа на вонредна состојба.
Во близина на Гриндавик има и туристичка атракција, геотермалната бања Blue Lagoon, каде што исто така беше евакуиран хотелот.
Последната ерупција на полуостровот Рејкјанес започна на 18 декември минатата година во вулканскиот систем Сварценги, по целосната евакуација на Гриндавик и затворањето на Сината лагуна, наведува Ројтерс.
За време на последната ерупција во декември, Гриндавик беше поштеден од штета, бидејќи лавата течеше во другата насока, заобиколувајќи го градот.
