(ВИДЕО) НЕРЕДИ ВО СРПСКОТО СОБРАНИЕ: Пратеник ги прскаше колегите со ПП апарат
Продолжува хаосот во српското Собрание каде пратеник ги прскаше колегите со ПП апарат.
Опозицијата повторно почна да фрла чадни бомби и јајца на масата на која седеше претседателката на Собранието, Ана Брнабиќ.
Радомир Лазовиќ, заменик на ЗЛФ, го активирал противпожарниот апарат во собраниската сала. Повеќе пратеници беа обоени во бело, поради супстанцијата од апаратот.
Новиот пратеник на ДСС, Милош Јовановиќ, ја испрска пратеничката Соња Илиќ, која е во осмиот месец од бременоста, со бибер спреј.
Пратеничката Јасмина Обрадовиќ заврши во болница.
Врховното јавно обвинителство (ВЈО) на Србија ги осуди денешните инциденти во српското Собрание и ги предупреди пратениците дека имунитетот од кривично гонење за изразување мислење или гласање при вршење на пратеничката функција не ги штити од кривично гонење за сторени кривични дела во согласност со Уставот и законите на Србија.
Обвинителството преку соопштение повика на „итно смирување на ситуацијата“ во Собранието на Србија и воздржување од „секакво дејство што може да ја загрози безбедноста, телото или животот на секој кој работи во просториите на Народното собрание, особено на пратениците“.
