ВИДЕО Македонија со уште еден златен медал во ММА!
По сребрениот успех на Европското првенство во 2024 година, Даниела Алексовска од клубот „Д Стронгест“ оваа година испиша историја, освојувајќи златен медал на Европското ММА првенство 2025 во Белград, Србија.
Во финалето на женската категорија, Алексовска доминираше над Анастасија Хородивска од Украина, светската вицешампионка, завршувајќи го мечот во првата рунда за помалку од една минута со триаголен зафат (triangle choke). Со овој триумф, таа стана првата Македонка со европска ММА титула.
Овој успех е огромен чекор за македонскиот ММА спорт, а Алексовска уште еднаш покажа дека припаѓа на врвот на европската сцена.
