ВИДЕО Мајка на повредено момче во пожарот во Кочани: Го напуштив работното место, мораше некој да остане покрај него!
Со потресно видео обраќање на социјалните мрежи, мајка на момче со тешки изгореници од трагичниот пожар во Кочани раскажа за болката и предизвиците со кои секојдневно се соочува нејзиното семејство. Таа сподели дека морала да ја напушти својата работа за целосно да се посвети на грижата за својот син, кој е во критична состојба и ѝ е потребна постојана нега, 24 часа дневно.
Мајката вели дека до сега единствена поддршка добиле од хуманите граѓани, но никаков одговор или помош не стигнала од државните институции.
Момчето е лекувано во болница во Грција, но по отпустот било укажано дека целосното заздравување може да потрае и до една година, а можеби и подолго.
Семејството бара итна интервенција и поддршка од надлежните институции, посочувајќи дека борбата не е само медицинска, туку и економска, психолошка и човечка.
