(ВИДЕО) ХАОС ВО ТИРАНА: Пратеници запалија столчиња
Опозициските демократски пратеници денеска направија хаос во албанскиот Парламент, по што претседателката Елиса Спиропали мораше да ја прекине седницата.
Спиропали побара да му се одземе мандатот и од Централната изборна комисија да се побара замена за пратеникот Ервин Салињани, кој во моментот е на издржување затворска казна.
Веднаш потоа демократските пратеници ја блокираа собраниската говорница, фрлаа со разни предмети кон Спиропали, упатуваа навреди, дури и кон обезбедувањето, во што предничеше Фљамур Нока, инаку и генерален секретар на партијата, кој сакаше физички да се пресмета со социјалистот Петро Кочи.
Демократите ги извадија столчињата на кои седат во салата, пред собраниската зграда, ги полеаја со бензин и ги запалија. И претходно имаше инциденти во албанското Собрание.
