ВИДЕО Ердоган го фати Макрон за прст и не сакаше да го пушти
Видеото од турскиот претседател Реџеп Таип Ердоган и францускиот претседател Емануел Макрон како се ракуваат за време на шестиот самит на Европската политичка заедница што се одржа во Албанија во петокот стана вирално.
На видеото се гледа како Ердоган ја зграпчува десната рака на Макрон со левата рака, ја влече и почнува да го гали со десната рака. Потоа Макрон со левата ја зграпчува десната рака на Ердоган одозгора.
Сепак, Ердоган потоа со десната рака ги зграпчува показалецот и средниот прст од левата рака на Макрон. Макрон веднаш успева да го извлече показалецот од стисокот на Ердоган, но Ердоган го држи средниот прст на Макрон во следните неколку секунди и не го пушта.
Откако видеото стана вирално, многумина почнаа да шпекулираат зошто Ердоган се однесувал вака за време на неговата кратка интеракција со Макрон. Според турските медиуми, Ердоган реагирал на овој начин бидејќи „Макрон се обидувал да воспостави психолошка супериорност“ ставајќи ја раката на рамото на турскиот претседател.
