(ВИДЕО) ДЕЛОВИ ОД ГРЦИЈА ПОД ВОДА: Бура ја зафати Атина
Невреме денеска предизвика поплави во делови од Грција.
Некои области беа под вода, затоа што за кратко време наврна големо количество дожд.
Бурата ги зафати јужните предградија на Атина. За Пелопонез е издадено предупредување од пладне до вечер, бидејќи се очекуваат пороен дожд и грмежи.
Нестабилно време се очекува и на Крит и на другите острови во Јонското Море. Се препорачува претпазливост за сите во крајбрежната област на Јонското Море и северниот дел на Егејското Море. Силно невреме се очекува и во Солун.
Во Грција и минатиот месец имаше невреме, што предизвика голем број удари на гром и пожари.
