ВИДЕО Бомбата направена во изнајмен стан преку Airbnb, полицијата трага по помагачите на 38 годишната жена
Полициските истраги се во полн ек за идентификување на соучесниците на 38-годишната жена која го загуби животот откако бомбата што ја поставила во филијала на банка во Солун експлодираше рано денеска.
Истражителите се сигурни дека 38-годишната не дејствувала сама и сигурни се дека таа не ја изработила бомбата сама.
Во фокусот на истрагата е станот каде што живеела 38-годишнната жена. Како што се испостави, ова беше стан на приземје во стилот на Airbnb во Лададика, кој бил изнајмен на 30 април, многу блиску до местото каде што експлодираше бомбата.
На конкретното место беа пронајдени експлозиви со голема моќност, осум вообичаени детонатори, како и мала количина ТНТ. Вкупно, властите проценуваат дека станува збор за еден килограм експлозив.
Грчката полиција е сигурна дека бомбата била направена во изнајмениот стан.
Полициската истрага утврди дека конкретниот стан го изнајмило друго лице кое е идентификувано според грчката телевизија МЕГА. Станува збор за 36-годишник со иницијали К.М. Во минатото, тој бил вмешан со властите во случаи на дрога и други кривични случаи.
Најверојатно е дека 36-годишникот нема никаква врска со експлозиви и ги дал своите податоци за изнајмување на станот во име на трети лица. Ова лице се бара во последните часови со цел да даде објаснувања.
Како што е утврдено со првичната анализа на снимката од безбедносните камери, самата 38-годишна жена ја поставила бомбата на местото на настанот.
