ВИДЕО Авионот требаше да полета кога пилотот излезе од кабината и рече: „Претешки сме, некој мора да остане” Им понудија пари
Необична сцена се случила на аеродромот Аресифе на шпанскиот остров Ланзароте бидејќи авионот на компанијата „Изиџет“ кој требало да полета за Британија бил „претежок за да полета“.
Летот од аеродромот Ланзароте до аеродромот Џон Ленон во Ливерпул беше одложен поради тежината на авионот и лошите временски услови. Авионот требало да полета во среда во 21 часот и 45 минути, но од шпанскиот аеродром полетал дури околу 23:30 часот.
Во видеото снимено од патник, пилотот вели: „Ви благодариме што дојдовте денес. Бидејќи ве има многу, авионот е доста тежок. Тежината на авионот во комбинација со прилично кратката писта и моменталните неповолни услови значи дека авионот е премногу тежок за да полета. Безбедноста е наш приоритет број еден. Нема шанси, со сегашните услови на ветерот, ќе го кренеме овој авион во воздух. Има голем број фактори – многу е топло, ветрот не е фантастичен, насоката не е одлична“, пренесува Daily Mail.
Too many pies and pints in Lanzarote 😂✈️
📹 razza699 pic.twitter.com/GOOkbkA6Lp
— Breaking Aviation News & Videos (@aviationbrk) July 8, 2023
500 евра за секој патник кој сака да не лета
-Можеби се прашувате што ќе се случи понатаму, и тоа дојдов да кажам. Зборував со нашиот оперативен тим и еден начин да се реши проблемот со тежината на авионот е да се направи малку полесен. Ако е можно, би сакал да замолам 20 волонтери да изберат да не летаат за Ливерпул вечерва. Ако некој сака да волонтира, ќе добие поттик. „Изџет“ во моментов ни понуди и до 500 евра за секој патник што е подготвен да не лета вечерва – изјави пилотот.
