Утре протест во Крива Паланка за проблемот со кравите!
Во Крива Паланка утре ќе се одржи мирен протест поради проблемот со неконтролираното движење на говеда и штетите што тие ги предизвикуваат врз приватен имот и земјоделски површини.
Како што информираат од Општина Крива Паланка, протестот е организиран од граѓани, а поддржан од претставници на 16 месни заедници. Локалната самоуправа испрати потсетување до јавноста и медиумите за одржувањето на собирот, нагласувајќи дека станува збор за мирен протест.
„Општината ја поддржува законската рамка и целосното спроведување на донесените решенија и ја повикува јавноста на одговорно и мирно учество“, се наведува во соопштението.
Од локалната власт апелираат граѓаните да го изразат својот став на достоинствен начин, со цел надлежните институции да преземат соодветни мерки за решавање на проблемот кој подолг период предизвикува реакции во јавноста.
