Утре и задутре пеколни горештини со температура над 40 степени

Управата за хидрометеоролошки работи (УХМР) ја објави временската прогноза за наредните денови, со предупредување за екстремно високи температури.

Според прогнозата, утре во неколку градови термометрите ќе покажат над 40 степени. Максималната температура ќе достигне 41 степен во Скопје, Гевгелија и Велес, додека во Демир Капија се очекуваат 40 степени.

„Утре и во петок не очекува многу топло време. Температурите насекаде ќе бидат над 30 степени, а локално ќе надминат и 40 степени. Во петок се предвидува појава на нестабилно време со пороен дожд, грмежи, засилен ветер и можност за појава на град“, соопштува УХМР.

Граѓаните се повикуваат да бидат внимателни, да избегнуваат директна изложеност на сонце во најтоплиот дел од денот и да внесуваат повеќе течности.