Уште еден силен земјотрес ги погоди Филипините, луѓето излегоа на улиците
Силен земјотрес со јачина од 5,6 степени според Рихтеровата скала ги погоди Филипините, јавува EMSC.
Земјотресот бил на длабочина од 50 километри, на 60 километри источно од Тандаг.
Новиот земјотрес доведе до евакуација на зградите во главниот град Манила, каде што исто така беше почувствуван.
Филипинската сеизмолошка агенција соопшти дека не очекува штета, но предупреди на последователни потреси.
Тие истакнаа дека земјотресот бил со јачина од 5,9 степени според Рихтеровата скала, на длабочина од 79 километри.
Видеата и фотографиите на социјалните мрежи покажуваат луѓе на улиците по евакуацијата и земјотресот.
