Украинската воздушна одбрана собори седум од вкупно осум беспилотни летала лансирани синоќа од Русија против Украина

Украинската воздушна одбрана собори седум од вкупно осум беспилотни летала „Шахед“, лансирани синоќа од Русија, се вели во денешното соопштение на силите за воздушна одбрана на Украина, цитирано од Ројтерс.

Беспилотните летала се соборени во три централни и јужни региони на земјата, се наведува и во соопштението на „Телеграм“.

Се уште не е јасно дали дронот, кој не беше соборен, стигнал до целта.

Руското Министерство за одбрана, исто така, соопшти дека спречило напад со беспилотно летало на полуостровот Крим, анектиран од Москва, синоќа.

Украинските власти засега не одговориле на барањето на Ројтерс за коментар за ова прашање.