Њукасл го растура Јунајтед, навивачите му фаќаат сеир на Тен Хаг: Утре сабајле ќе те избркаат!
На домашен терен, „ѓаволите“ губат од Њукасл со 0-2 по првото полувреме, а според она што го покажуваат, далеку се од некаква надеж за пресврт. Сепак, на навивачите на гостинскиот тим кои ги има во солиден број на Олд Трафорд, најинтересен им е противничкиот менаџер Ерик Тен Хаг кому му фатија сеир и постојано му скандираат.
„Утре сабајле ќе те избркаат“, пеат фановите на Њукасл кои ги тролаат и навивачите на Јунајтед, скандирајќи им дека фамилијата Глејзер ќе остане уште десет години во клубот.
Притисокот врз Тен Хаг е огромен последните недели што не е големо изненадување ако се знае дека Јунајтед има 11 бода помалку од лидерот Тотенхем во Премиер лигата, а и во Лигата на шампионите се наоѓа во незавидна ситуација.
