Турција тесно изгуби од Португалците, пласманот на ЕП 2024 е сигурен!
Турците завршија со тесен пораз од два разлика, но цел натпревар бркаа негатива против фаворизираните Португалци. Во првото полувреме имаа највисока негатива од пет гола, а со толку заминаа и на одмор, 14-19. Во вториот дел се доближија на минус еден во два наврата, но немаа сили да направат сензација.
Со тоа, останаа на четири бода, Македонија има шест, па за да ја симнат од второто место ќе треба да слават среде Скопје со десет разлика, за да го анулираат поразот од 27-36 од првиот меѓусебен меч.
Дури и да се случи тоа чудо, хипотетички, Македонија би паднала на трето место, но со шест бода би била едно од најсилните трети места меѓу осумте групи. Имајќи предвид дека четири трети места одат понатаму и во такво сценарио ние повторно би биле дел од ЕП 2024. Во моментов само една третопласирана екипа има шест бода, Грција и тоа со далеку послаба гол-разлика од нашата.
ГРУПА 1
Португалија 10, Македонија 6, Турција 4, Луксембург 0.
