Трамп за Путин: Ме тера да мислам дека можеби тој не сака да ја запре војната!
Американскиот претседател Доналд Трамп изјави дека се сомнева оти рускиот претседател Владимир Путин сака да стави крај на војната во Украина, изразувајќи сомнеж дека наскоро може да се постигне мировен договор, иако вчера рече дека Украина и Русија се „многу блиску до договор“.
Трамп во објава на социјалните мрежи рече дека се вратил во САД по погребот на папата Франциск и дека „нема причина Путин да истрела проектили врз цивилни области, градови и населби во последните неколку дена“.
Тој навести и нови санкции против Русија.
„Ме тера да мислам дека можеби тој не сака да ја запре војната, тој само го одобрува она што го кажувам и со него треба да се постапи поинаку, преку банкарски или секундарни санкции. Премногу луѓе умираат!“ – напиша Трамп.
Трамп накратко се сретна со украинскиот претседател Володимир Зеленски во Ватикан.
