Трамп: САД ќе бидат посилни по воведувањето на царинските мерки
Американскиот претседател Доналд Трамп денеска изјави дека САД ќе излезат „посилни“ по воведувањето на царинските мерки ширум светот, што доведе до пад на светските берзи и на доларот.
„Операцијата заврши! Пациентот преживеа и се опоравува. Прогнозата е дека пациентот ќе биде многу посилен, поголем, подобар и поотпорен од кога било досега“, напиша американскиот претседател на својата платформа Truth Social.
Трамп ја заврши својата порака со својот омилен слоган – „Направете ја Америка повторно голема“.
Берзата на Волстрит денеска доживеа пад, бидејќи Трамп во средата воведе високи царини, што означува протекционистичка промена на водечката светска економска сила, каква што не е забележана речиси 100 години.
Портпаролката на Белата куќа Каролин Левит ги бранеше мерките на Трамп.
„Би им рекла на сите на Вол Стрит утринава: „Верувај му на претседателот Трамп“, рече портпаролката на американската телевизиска мрежа Си-Ен-Ен, додавајќи дека САД повеќе нема да ги мамат странските земји.
„Ако овие земји сакаа да преговараат, ако сакаа да ја направат вистинската работа, имаа 70 години да го направат тоа. Наместо тоа, тие ги измамија американските работници“, рече портпаролката на Белата куќа.
