Трамп до Иран: Вие нема да ја добиете оваа војна!
Зборувајќи со новинарите, Трамп рече дека Техеран сакал да разговара, но дека „требало да го направат тоа порано“.
„Имаа 60 дена, а потоа на 61-от ден реков дека нема договор“, рече тој.
„Мора да постигнат договор и тоа е болно за двете страни, но би рекол дека Иран не ја добива оваа војна и дека треба да разговараат, и тоа сега, пред да биде предоцна“, им рече Трамп на новинарите на почетокот од состанокот со канадскиот премиер Марк Карни.
Цените на нафтата паднаа за повеќе од 2 долари за барел во понеделник по извештаите дека Иран бара крај на непријателствата со Израел, зголемувајќи ја можноста за примирје и ублажувајќи ги стравувањата од прекини во снабдувањето со сурова нафта од регионот.
