Тонали сака, Њукасл плаќа, Милан „се ценка“ пред да кандиса!
Њукасл понудил 70 милиони евра на што „росонерите“ одговориле со кревање на сумата и побарале 80 милиони евра, според новинарот Џанлука Ди Марцио. Вели дека, ако саудиските газди на Њукасл се согласат на таа сума, трансферот најверојатно ќе се случи.
Наводно, Њукасл имал човек кој престојувал нон-стоп во Милано за да ги омекне односите и да го одоброволи Милан. Фудбалерот, неофицијално, веќе се согласил и има желба да се обиде во премиерлигашкиот фудбал, особено што Њукасл ќе се натпреварува во Лигаа на шампионите од септември.
Њукасл се очекува да троши „дебело“ овој преоден рок и да состави екипа со највисоки амбиции во Премиерлигата. Откако во јануари му понудија 100 милиони евра на Наполи за Виктор осимен, сега го побараа Николо Барела од Интер за 60 милиони, по што беа експресно одбиени, па се свртеа кон 23-годишната ѕвезда на Милан.
