„Тие ни ги убиваат жените и децата“; Уапсени се 200 членови на Хамас
Израелските власти објавија дека оваа недела се уапсени 200 членови на Хамас и Исламски џихад и одведени на сослушување кај надлежните израелски власти.
Во соопштението се наведува дека некои од осомничените се криеле меѓу цивилното население и доброволно се предале, јавува Би-би-си.
Израел објави дека 700 палестински милитанти се уапсени од почетокот на воената операција и инвазијата на Појасот Газа со цел да се елиминира Хамас.
Сепак, оваа палестинска милитантна група ги обвинува Израелците дека убиваат претежно жени и деца, но Би-Би-Си не може да ги потврди овие наводи.
Израел претходно нагласи дека презема чекори за да избегне цивилни жртви и го обвинува Хамас за операцијата на вооружените сили од густо населените области.
Израел ја започна својата воена одмазда откако борците на Хамас преминаа од Газа во јужен Израел на 7 октомври, убивајќи 1.200 луѓе и зедоа 240 заложници во нападот.
Оттогаш, повеќе од 20.000 Палестинци се убиени во Појасот Газа, а 53.000 луѓе се ранети, соопшти претходно Министерството за здравство на Хамас.
Во последното соопштение објавено во саботата, се наведува дека само претходниот ден загинале уште 201 лице, а 368 биле ранети.
