Таравари го тужи Меџити за клевета
Претседателот на Алијансата за Албанците, Арбен Таравари поднел тужба за клевета против градоначалникот на Чаир, Изет Меџити.
Тој преку својот адвокат Aбидин Абдули, вчера поднесл тужба за клевета во Основниот суд Скопје 2.
Ова следува по изјавите дадени од Меџити во телевизиска емисија на Lajm TV, каде што тој тврдел дека Таравари за време на својот мандат како министер, издал седум лиценци за фабрики за преработка на канабис.
Според соопштението, пред поднесувањето на тужбата бил даден и законски рок за јавно извинување, кој Меџити не го искористил.
Таравари категорично ги демантираше овие обвинувања, оценувајќи ги како невистинити и клеветнички. Тој претходно најави дека ќе преземе правни чекори доколку не биде упатено јавно извинување за дадените изјави.
