Светот гледа шокиран, се срами ли некој?! Уште една страшна вест штотуку пристигна од Појасот Газа!
Најмалку 24.927 Палестинци се убиени, а 62.388 се ранети во израелските напади врз Појасот Газа од 7 октомври досега, соопшти денеска Министерството за здравство во Газа, со кое раководи Хамас.
Во соопштението се наведува дека во изминатите 24 часа загинале околу 165 Палестинци, а 280 се ранети, пренесе Ројтерс.
Да потсетиме, портпаролот на Белата куќа за национална безбедност, Џон Кирби, во петокот изјави дека американскиот претседател Џозеф Бајден сè уште верува во можноста за решение со две држави на Блискиот Исток и дека ги удвоил напорите за спроведување на тој план.
Според неговите зборови, во телефонски разговор со израелскиот премиер Бенјамин Нетанјаху, Бајден ја изразил својата визија за „траен мир и безбедност за Израел“ преку решение со две држави.
– Претседателот се уште верува во ветувањето и можноста за решение со две држави. Тој признава дека ќе треба многу напорна работа. Ќе биде потребно многу лидерство таму во регионот, од двете страни – рече Кирби.
Бајден ја поздрави одлуката на Израел да дозволи испорака на брашно во Газа, изјави Кирби за новинарите на брифингот во Белата куќа. Разговорот се случи еден ден откако Нетанјаху јавно ја отфрли можноста за палестинска државност, велејќи дека Израел мора да ја задржи безбедносната контрола над Западниот Брег, пишува Jerusalem Post.
Според Кирби, Бајден и Нетанјаху телефонски разговарале во петокот за тековните напори да се обезбеди ослободување на преостанатите заложници. Тие, исто така, разговараа за ситуацијата во Газа и транзицијата кон насочени операции за да се овозможи проток на зголемени количини хуманитарна помош, додека се одржува воениот притисок врз Хамас.
