Стојкоски и Дурмиши: Ќе провериме дали цените се зголемуваат кога ги најавуваме „празничните кошнички“
Министерот за економија Бесар Дурмиши,неговиот заменик Марјан Ристески и директорот на Државниот пазарен инспекторат,Влатко Стојкоски,најавија анализа дали најавите на одлуките за ограничување на цените со празничките кошници, ги тераат трговците да ги поскапуваат производите претходноза да бидат потоа повторно во ќар кога ќе треба да ги поевтинат за 10 отсто.
– Треба да се каже дека ова е иницијатива на самиот бизнис сектор за пониски цени за 10 проценти, а не не Владата. Бројот на производи опфатени со новата „новогодишна кошница“ континуирано расте и достигнма 962 производи. Достапни се за граѓаните во 38 ланци на маркети, изјави Дурмиши.
Тој рече дека растот на трошоците што го прикажува месечната потрошувачка кошница на Сојузот на синдикати на Македонија во неговата методологија на пресметка не опфаќа половина од производите кои ќе бидат намалени од 15 декември до 15 јануари.
Според Стојкоски, Законот за заштита на потрошувачите им дозволува на инспекторите да ги споредуваат цените само во изминатите месец дена за да се види дали има реално намалување кај трговците кога одлуките со празничните кошници стапуваат на сила.
– Станува збор за акциска продажба, трае еден месец и е на трговците, кои во случајов сакаат да покажат општествена одговорност, додаде Стојкоски.
Инфлацијата во меѓувреме во ноември се зголеми за повеќе од 4 отсто во споредба со истиот период лани, а раст имаше и на цените на храната. Од тука може да се заклучи дека трговците најверојатно месец ноември го користеле за поскапување, бидејќи уште тогаш знаеја дека за Нова Година ќе мора да прикажат поевтинување,
– Мониторинг прават Синдикатите, Организацијата на потрошувачи и самите граѓани. Ако има изигрување на она што самите го понудиле, навремено може да се пријави.
Ако се покаже дека има недоследности и непочитување, Владата ќе пребегне кон поригорозни мерки, наведе Ристески.
