СРПСКАТА ПРЕСТОЛНИНА СПРЕМНА ДА ЗАРАБОТИ 10 МИЛИОНИ ЕВРА ЗА ДВА ДЕНА – хотелите во Белград пребукирани, еве колку кревети останаа
Благодарение на концертите на групата Rammstein, кои ќе се одржат на 24 и 25 мај, сите хотелски капацитети во Белград се исполнети.
Поради невидениот интерес на публиката и рекордната продажба на влезници веднаш по пуштањето во продажба, закажан е втор концерт кој ќе се одржи ден подоцна.
Само Белград, од сите градови во регионот, се најде на списокот на европската Стадион турнеја за 2024 година, во годината кога групата слави 30-годишнина. Поради оваа причина, голем е бројот на гости од регионот, но и од другите делови на Европа, кои по овој повод ќе го посетат Белград, пренесува веб-страницата на здружението.
Со оглед на големиот интерес и спектаклот што се подготвува, цените на сместувањето во Белград за термините на концертот се движеа од 1.000 евра па нагоре.
– Овој концерт имаше ефект да наполни 7.500 соби во Белград. Секако, доколку се пополнат 7.400 соби, останатите 100 соби ќе се продаваат по повисока цена. Пазарот ги диктира цените. Оние кои навреме купиле билети и резервирале сместување, тоа го правеле по цени од 100 до 150 евра – изјави директорот на Деловното здружение на хотелиери и ресторани на Србија ХОРЕС.
– Белград за двата концертни дена сигурно ќе заработи меѓу 7 и 10 милиони евра. Станува збор за хотелиери, ресторани, такси, продавници и сите оние кои ќе бидат на услуга на гостите на градот – рече Генов.
(Kurir.rs)
