СРБИЈА КУПИ ДРАГОЦЕН ПРЕДМЕТ НА ДИНАСТИЈАТА ОБРЕНОВИЌ НА АУКЦИЈА ВО ГЕРМАНИЈА – национално богатство се враќа дома
Република Србија денеска на аукција во аукциската куќа „Хенри“ во Германија купи значаен предмет – стап со двоглед во рачката, на кој се истакнати грбот на семејството Обреновиќ и династичкото мото „Tempus et meum ius“, при што Србија и Министерството за култура ја продолжуваат стратешката политика на зачувување и враќање на културното наследство.
Овој скапоцен предмет, кој датира од 1900 година, е купен на иницијатива на Министерството за култура преку Генералниот конзулат на Република Србија во Франкфурт, а ќе биде изложен во Историскиот музеј на Србија.
Министерот за култура Никола Селаковиќ во оваа прилика истакна дека Министерството за култура и Историскиот музеј ја покренале постапката за добивање на овој уникатен предмет токму со цел собирање, составување и зачувување на драгоценото наследство на српската владејачка куќа Обреновиќ.
– Денешната успешна аукција, како и неодамнешната набавка на два значајни српски средновековни ракописи, е важен чекор за враќање на нашето културно наследство, а Министерството за култура ќе продолжи посветено да го следи светскиот пазар за да го врати нашето културно наследство, богатства расфрлани низ светот поради историските околности – рече министерот Селаковиќ.
Извор и фото на Курир.рс
