Сплитските „били“ посилни од сите проблеми: Хајдук го освои Максимир (ВИДЕО)

Триумфот доаѓа во момент кога сплитскиот тим се наоѓа во голема кадровска криза и внатрешни проблеми кои се закануваа да ја уништат и оваа сезона. Неодамна, по голема драма, си замина Перишиќ, а потоа беше сменет спортскиот директор Никола Калиниќ, но очигледно тоа не оставило трага врз играчите кои успеаја да дојдат до исклучително важна победа.

Моментот на одлука се случи во 70. минута кога Ливаја доби една топка од Прпиќ во шеснаесетникот, шутираше во пад и успеа да го совлада противничкиот голман. Во финишот Хајдук остана и со играч помалку, но издржа и го сочува водството за триумф.

За Динамо ова е прв пораз сезонава во домашното првенство по што падна на втората позиција на табелата, со еден бод помалку од својот денешен ривал. Ниеден од македонските интернационалци во Динамо не го дочека крајот на мечот, Адеми беше заменет во 58., а Ристовски во 98. минута.