Сослушани родителите на малата Данка: „За убијците малку е смртна казна, тоа што го трпиме е страшно“
„Смртна казна за нив е малку, тие треба да бидат робијаши до крајот на животот. Тоа се монструми“, изјави Милош Илиќ, таткото на малата Данка, пренесува српски „Телеграф“.
Милош заедно со сопругата Ивана дошол во Вишото јавно обвинителство во Зајечар за да сведочи.
„Полицијата неколку пати беше кај нас, зема разни работи на Данка, ништо не знаеме, ниту за крв на патот, ни за автомобилот, ништо. Не ни е јасно зошто не повикаа брза помош, зошто не помогнале. Тоа што Ивана и јас го трпиуле е страшно. Ни се јавуваат луѓе, не навредуваат, не обвинуваат. Јас морав да барам да го сменам бројот, не можеме веќе. Кога ќе заврши се, ќе излеземе во јавноста и ќе кажеме се“, рече Милош.
Данка Илиќ е убиена 26. март оваа година во Бањско Поле. За злосторството се осомничени Срѓан Јанковиќ и Дејан Драгијевиќ, работници на ЈП „Водовод“ во Бор. Телото на малата Данка Илиќ и после 13 дена и натаму не е пронајдено, a осомничените истакнаа дека нема никогаш да кажат каде е.
