Со ветрови над 200 км/ч, невремето „Киеран“ ја погоди Франција
Бурата Киеран предизвика еден смртен случај во Франција и остави 1,2 милиони домаќинства без струја, а силните ветрови во некои области на Бретања и Нормандија го поттикнаа највисокото ниво на тревога, објави Ројтерс.
Две лица се полесно повредени во департманот Финистер во Бретања, каде ветровите достигнаа брзина од 207 километри на час, а патиштата беа затворени до понатамошно известување. Шефот на одделот, Ален Еспинас, ги повика луѓето да останат дома.
Министерот за транспорт Клеман Бон изјави за радиото Франс Инфо дека возач на камион загинал во департманот Ан, североисточно од Париз, откако дрво паднало врз возилото. „Ова покажува дека постои многу висок ризик на патиштата дури и во региони каде што не е прогласено највисоко ниво на тревога“, истакна Бон.
Министерот за енергетска транзиција Аниес Паниер-Рјунасе на социјалната мрежа Х (до неодамна како Твитер) напиша дека бурата Киеран оставила 1,2 милиони домаќинства без струја.
