Со фалсификуван, но заверен на нотар сертификат за познавање на англиски јазик до директор на студентски дом – 66-годишно лице си доби кривична!
Единицата за економски и компјутерски криминал при СВР Скопје поднесе кривична пријава против И.А.(66) од с.Колибари, кичевско, со престојувалиште во Скопје, поради постоење основи на сомнение за сторено кривично дело „фалсификување исправа” по член 378 од Кривичниот законик.
Пријавениот, во текот на 2019 година набавил фалсификуван сертификат за познавање на англиски јазик со намера да се вработи како директор на државниот студентски дом „Томе Стефановски Сениќ”.
Сертификатот го заверил на нотар во Кичево, по што го приложил при аплицирање за вработување како директор во наведениот студентски дом.
