Снимен моментот кога подморницата нурка кон Титаник (ВИДЕО)
22 годишна жена го објави на TikTok моментот кога нурна, сега исчезнатата подморница Титан. Аби Џексон работеше како снимател на истражувачкиот брод Полар Принц кој ја следеше подморницата.
„Гледајќи ја подморницата како нурка кон Титаник“, напишала Аби во видеото, за кое немала идеја дека ќе добие сосема поинаков контекст.
До денес, видеото е прегледано над 26 милиони пати. „Видеото е создадено момент пред катастрофата“, „Ова не старее добро“, „Не ми се верува дека алгоритмот ме доведе до ова“, пишуваат луѓето сега во коментарите.
@abbijaxxxon #titanic ♬ Us – A COLORS SHOW – FKJ
Во едно од нејзините видеа, Аби го сними и Пол-Хенри Наргеолет, поранешен нуркач на француската морнарица и еден од петте мажи кои нуркаа кон Титаник со Титанот. „Овој човек го виде Титаник 37 пати“, напиша таа на видеото, за кое сега многумина веруваат дека е последното видео од него досега.
Потсетуваме дека на подморницата се британско-пакистанскиот бизнисмен Шахзада Давуд и неговиот син Сулејман, британскиот милијардер и истражувач Хамиш Хардинг, поранешниот нуркач на француската морнарица Пол-Хенри Наргеолет и Стоктон Раш, извршен директор и основач на OceanGate, која ја организираше посетата на потонатиот брод Титаник.
