Снежна бура која одамна не е снимена! Патиштата затворени, железничкиот сообраќај во прекин, најмалку 15 луѓе спасени од планинските области

Државните патишта во источна Молдавија и во Романија се затворени поради снежна бура, соопшти регионалната дирекција за патишта.

Како што е наведено, патиштата се затворени во областите Јаши, Ботошани, Васлуј, Њамц, Бакау, Галати и Браила. Снежна бура предизвика и прекин на железничкиот сообраќај на станицата во општина Марашешти, во областа Вранча, јави Аѓерпрес.

Поради снежната бура се случија неколку сообраќајни незгоди во кои неколку лица се повредени.

Најмалку 15 луѓе се спасени од планинските области

Најмалку 15 лица биле спасени во претходните 24 часа во романските планински области, а пет морале да бидат хоспитализирани, соопшти денеска спасувачката служба Салвамонт Романија.

Во претходните 24 часа Салвамонт примил 15 повици со барање за итна интервенција на спасувачите, објавено е на веб-страницата на организацијата. Службите во областите Воинеас и Северин Семеник добиле најмногу повици, објави Аџерпрес.