ПОЛИЦИЈАТА ЛОВЕШЕ БЕЗОБЅИРНИ ВОЗАЧИ Приведени двајца пијани и десетмина без дозвола
Дванаесет возачи се приведени во изминатото деноноќие поради безобѕирно управување возило, при што најголемиот дел од нив биле зад волан без возачка дозвола, информира полицијата.
Од приведените, десет возачи управувале возила без положен возачки испит, додека двајца возеле под дејство на алкохол. Според податоците, двајца биле затекнати во Скопје, еден во Штип, еден во Кичево, двајца во Велес и четворица во Тетово, од кои двајца биле малолетници.
Еден од случаите во Велес завршил со сообраќајна незгода, кога возач кој бил под дејство на алкохол предизвикал судир. Под дејство на алкохол бил затекнат и уште еден возач во Битола.
По целосното документирање на случаите, против возачите ќе бидат поднесени соодветни кривични пријави.
Од полицијата апелираат учесниците во сообраќајот да ги почитуваат правилата, да не управуваат возило без возачка дозвола и да не седнуваат зад волан под дејство на алкохол, со цел да се зголеми безбедноста на патиштата.
.
