Синдикалната минимална кошница во април достигна 68.797 денари, раст од 979 денари за еден месец
Вредноста на синдикалната минимална кошница во април 2026 година изнесува 68.797 денари, што претставува зголемување од 979 денари во однос на март, кога таа изнесуваше 67.818 денари.
Податоците покажуваат дека трошоците за живот продолжуваат да растат, при што за периодот од јануари до април 2026 година, минималната кошница е зголемена за вкупно 3.305 денари.
Доколку се пресметаат и трошоците за изнајмување стан од 60 квадратни метри, вредноста на минималната кошница во април достигнува 84.172 денари месечно.
Најголем дел од трошоците на едно домаќинство и натаму се однесуваат на храна и пијалаци, за кои се издвојуваат 26.085 денари или 37,9 проценти од вкупната кошница. Следуваат образованието со 7.192 денари (10,5 проценти), како и трошоците за станарина, вода, електрична енергија и греење со 6.338 денари (9,2 проценти).
За облека и обувки месечно се издвојуваат 6.129 денари, додека за рекреација и култура 5.592 денари. Трошоците за транспорт изнесуваат 4.961 денар, а за ресторани и хотели 4.131 денар.
За комуникации се предвидени 3.417 денари, за лична и хигиена во домот 2.667 денари, додека за здравје се издвојуваат 1.185 денари. Најмал удел во кошницата имаат останатите стоки и услуги со 1.100 денари или 1,6 проценти.
Ако се земе предвид пресметката со изнајмен стан, трошоците за домување (станарина, вода, електрична енергија и греење) достигнуваат 21.713 денари, што значително го зголемува вкупниот месечен буџет потребен за едно домаќинство.
Овие податоци укажуваат на континуиран раст на животните трошоци и дополнителен притисок врз домашните буџети.
