Силјановска-Дафкова ќе ги помилува осудените за упадот во Собрание ако биде претседателка
Кандидатката поддржана од ВМРО-ДПМНЕ Гордана Силјановска Дафкова вечерва во телевизиско интервју откри дека ќе ги помилува осудениците за 27-ми април односно насилниот упад во Собранието.
Таа додаде дека делото што им се става на товар не одговара, додавајќи дека токму тоа дело го квалификувал новинар.
„Тоа се случи кои дел не сакаат амнестија, сакаат да ја докажат правдата. Ако не завршат постапките во Стразбур и ако се уште се во затвор, да ќе ги помилувам“, изјави вечерва во интервју за Телма Гордана Силјановска Дафкова.
Таа додадека дека очекувала помилување од страна на актуелниот претседател Стево Пендаровски.
Станува збор за два судски предмета поврзани со настаните од насилниот упад во Собранието на 27 април 2017. Сите се осудени за дејствија против државата, односно за загрозувањето на уставниот поредок и безбедност на државата.
