Милан за едно полувреме го завери пласманот во четвртфиналето (ВИДЕО)

Вечерва, “росонерите“ славеа на гостувањето кај Славија Прага со 3-1, но слично како на првиот меч на домапен терен, 70 минути играа со фудбалер повеќе, поради исклучувањето на Холес. Милан максимално го искористи тоа и од 33. минута до полувремето постигна три гола, преку Пулишиќ, Лофтус-Чик и Леао. Во финишот, Јурашек ја спаси честа на Славија која имаше повремени блесоци во овој двомеч.

Мошне интересно беше во реваншот меѓу Виљареал и Олимпик Марсеј. Францускиот тим на првиот меч славеше со 4-0, а Шпанците вечерва поведоа со 3-0 во 86. миинута. Сепак, Олимпик Марсеј не дозволи изненадување и во судиското продолжение преку Клаус го запечати пласманот во следната фаза.

РЕЗУЛТАТИ
Ренџерс – Бенфика 0-1 (прв меч 2-2)
Славија – Милан 1-3 (1-4)
Виљареал – Марсеј 3-1 (0-4)
Вест Хем – Фрахбург 5-0 (0-1)