ШВАЈЦАРИЈА ВО ШОК: Банкарски гигант ќе отпушта три илјади работници
UBS очекува да укине околу 3.000 работни места во Швајцарија во обид да ги намали трошоците за 10 милијарди долари, бидејќи презема сеопфатен ремонт по итна помош на Credit Suisse претходно оваа година.
Укинувањето на работните места изнесува околу осум отсто од вработените во комбинираните швајцарски операции на глобалниот банкарски гигант, кој во четвртокот објави нето добивка од 29 милијарди долари за вториот квартал. Тоа е најголемиот квартален профит на банката во историјата и речиси целосно произлезе од сметководствената техника поврзана со преземањето, велат аналитичарите.
„Огромната големина на кварталниот профит беше директен резултат на сметководствената разлика помеѓу цената од 3 милијарди долари што УБС ја плати за Credit Suisse и вредноста на билансот на состојба на стекнатиот заемодавател“, рече Џереми Нејлор, аналитичар.
Откажувајќи ја таа извонредна добивка на хартија, UBS објави добивка пред оданочување од 1,1 милијарди долари за кварталот. Вестите за отпуштањата може да предизвикаат нови контроверзии во Швајцарија, каде што договорот веќе се покажа непопуларен кај јавноста и кај некои политичари.
„Здружението на вработени во швајцарските банки бара 37.000 вработени во две институции во Швајцарија да бидат третирани фер и еднакво во процесот на интеграција“, се наведува во соопштението на Швајцарскиот банкарски сојуз.
Говорејќи пред аналитичарите, извршниот директор на UBS, Серџо Ермоти, рече дека „секоја изгубена работа е болна за компанијата, но во оваа ситуација кратењето беа неизбежни“.
Нема информации за отпуштања надвор од Швајцарија
Банката, која има вкупна глобална работна сила од речиси 122.000, не елаборираше за бројот на можни отпуштања надвор од Швајцарија.
Околу 8.000 вработени веќе си заминаа доброволно во првата половина од годината, при што приближно половина од тие заминувања се случија во САД и во азиско-пацифичкиот регион, а 10% во Швајцарија.
Ермоти рече дека отпуштањата ќе бидат распоредени на „неколку години“ и дека банката ќе им обезбеди на погодените вработени финансиска поддршка, услуги за транзиција на работни места и можности за преквалификација.
Најголемото спојување на банки во историјата
UBS планира да ги задржи банкарските операции на Credit Suisse во Швајцарија и целосно да ги апсорбира во новосоединетата групација, наместо да се определи за spinoff или IPO, иако тоа ќе резултира со 400 отпуштања помалку.
„Анализата јасно покажува дека целосната интеграција е најдобриот исход за UBS. Ова е едно од најголемите и најкомплексните спојувања на банки во историјата – рече Ерноти.
UBS соопшти дека очекува да реализира повеќе од 10 милијарди долари заштеди од интеграцијата до крајот на 2026 година – 1 милијарда долари повеќе и една година порано од планираното кога беше објавено преземањето во март. Акциите на банката пораснаа за цели 7 отсто, а годинава за 35 отсто, пренесува CNN.
На 19 март, UBS се согласи да го купи Credit Suisse за поволна цена од 3 милијарди швајцарски франци (3,4 милијарди долари) во спасувачка операција организирана од швајцарските власти за да се спречи колапс на банкарскиот сектор.
