Шпанија ја запали Шакира на клада: Пејачката го обвинува системот за неправда
Шакира, една од најголемите музички ѕвезди на светот, ја обвини шпанската држава за брутална кампања против неа. Колумбиската пејачка тврди дека била жртва на сексизам и злоупотреба на власта, откако беше обвинета за даночно затајување. Во емотивно писмо, Шакира го споредува третманот што го добила со „ложење на клада“ и ја обвинува шпанската даночна управа дека ја претворила во „ловечки трофеј“.
Пејачката тврди дека била присилена да се изјасни за виновна за да ги заштити своите деца од медиумскиот линч и правните пресмети. Таа истакнува дека не само што ги платила сите даноци, туку и дополнителни суми, но и дека била жртва на сексистички двојни стандарди. Шакира се прашува дали би се случило истото доколку беше маж во врска со Шпанка.
