Шкупи пак го победи Херманштад, Струга загуби од Партизани
Новиот македонски шампион и на вториот од предвидените три теста за дебито во квалификациите во Лигата на шампионите не победи, па после ремито со косовски Балкани 2-2, денеска во Поградец загуби од албански Фљамуртари од Тирана со 0-1.
Менсах беше стрелец на голот за Фљамуртари на дебито на тренерот Зоран Зекиќ, па Струга до крајот на подготовките ги чека само уште тестот со екс-албанскиот шампион Тирана пред двомечот со литвански Жалгирис.
Шкупи, пак, во Болу (Турција) вторпат го победи романски Херманштад, овојпат со 1-0 и тоа со автогол на Романците, кој пред крајот на мечот промашиле и пенал за израмнување. Чаирчани на првиот тест во овие подготовки го победија романскиот тим со 2-1, а потоа ремизираа со албанска Егнатија 1-1.
