Шилегов бара да се запре судењето за Пулс и да се преиспитаат обвинетите, повикувајќи се на одлуката на ОЈОГОК за полицајците
Адвокатот Петре Шилегов денеска во судница побара од Обвинителството сериозно да го преиспита својот став и да повлече дел од обвиненијата, повикувајќи се на економичноста на постапката и на најновиот брифинг од Обвинителството за гонење на организиран криминал и корупција (ОЈО ГОКК). Тој предупреди дека државата троши огромни суми за судски процес кој може да биде правно неоснован.
Шилегов се повика на одлуката на ОЈО ГОКК за истиот кривично-правен настан, каде за седум лица (полицајци) е отфрлена истрагата за „тешки дела против општата сигурност“.
Шилегов смета дека оваа логика треба да се примени и овде:
Судијката Диана Груевска Илиевска потврди дека Судот е запознаен со брифингот и ја побарала одлуката, но нагласи дека судењето мора да тече.
Обвинителот Борче Јанев веднаш реагираше, отфрлајќи ги наводите на одбраната како преуранети и несоодветни за овој предмет.
