Шестгодишното девојче од Куманово по грешка наместо во градски, се качило во автобус за Скопје – пронајдена во Гази Баба!
Шестгодишната Каја од Куманово која во текот на вчерашниот ден беше пријавена за исчезната наместо во градски автобус во Куманово, влегла во автобус кој сообраќал до Скопје.
Според полицијата, детето вчера било пронајдено на подрачјето на Гази Баба.
Мајката на девојчето, 28 годишната С.Т. вчера во 15.00 часот во СВР Куманово, пријавила дека нејзината шестгодишна ќерка се оддалечила од домот.
„Девојчето било пронајдено на подрачјето на Гази Баба во Скопје, а по извршен службен разговор било утврдено дека девојчето најпрвин влегло во градски автобус кој превезувал патници до центар на Куманово, а потоа по грешка, наместо во автобус за враќање до домот, девојчето влегло во автобус кој сообраќал до Скопје, каде била пронајдена од случаен минувач“, информираше СВР Куманово.
