Шефот на руската разузнавачка служба и директорот на ЦИА разговарале за Украина
Шефот на руската надворешна разузнавачка служба Сергеј Наришкин во средата изјави дека кон крајот на јуни имал телефонски разговор со неговиот колега од ЦИА Вилијам Барнс за „што да се прави со Украина“, пренесува руската новинска агенција ТАСС.
Минатиот месец Њујорк тајмс и Волстрит журнал објавија дека Бернс го повикал Наришкин за да го увери Кремљ дека САД немале никаква улога во краткото востание на руската платеничка група Вагнер од 23 до 24 јуни.
Брнс и Наришкин одржуваат комуникација од почетокот на руската војна во Украина, во време кога другите директни контакти меѓу двете земји се минимални, а односите се на најниска точка од Кубанската ракетна криза во 1962 година.
ТАСС го цитираше Наришкин дека е можно двајцата да се сретнат.
Нивниот последен таков состанок беше во Турција во ноември минатата година, кога американски официјални лица изјавија дека Барнс ја предупредил Русија за последиците од каква било употреба на нуклеарно оружје и го покренал прашањето за американските затвореници во Русија.
Наришкин, исто така, во средата рече дека Русија не слушнала „ништо изненадувачки“ од самитот на НАТО во Вилнус, пренесе ТАСС.
