ШЕФОТ НА ИНСТАГРАМ ЗА СВОЈОТ ОДНОС СО ЗАКЕРБЕРГ: Како да се изборите со него, тој секогаш има многу високи очекувања

Адам Мосери е во компанијата Фејсбук од 2008 година. Почна како дизајнер на производи, а во 2018 година стана првиот човек на Инстаграм.

Фејсбук го купи Инстаграм, основан од Кевин Систром, во 2012 година за милијарда долари, а ова купување му донесе многу на Марк Цукерберг. Сега под капата на компанијата Мета бележи само успеси.

Мосери ја сподели својата приказна на поткастот „The Colin and Samir Show“ за тоа како е да се работи со мозокот на компанијата, Марк Закерберг.

Тој вели дека на почетокот не било секогаш лесно.

Се каравме многу

Многу се каравме во раните години“, изјави Мосери. „Се сеќавам дека многу се навраќав на низа случајни промени во дизајнот.

„Марк беше многу фокусиран на резултатите и се грижев за работите за кои сè уште се грижам, но тогаш не се грижев доволно за другите работи. Силно ме туркаше на работи за кои не ми беше грижа и за кои требаше да се грижам“.

Мосери вели дека кога сте млад и му пркосите на вашиот шеф за она што е важно за шефот „веројатно не е добар совет за кариера“.

Сега го имам тој баланс со Марк

Но, сега, Мосери инсистираше на тоа дека научил како подобро да го балансира она што му е важно со приоритетите на Цукерберг.

„Марк е многу конзистентен. Тој секогаш ќе ја држи летвичката многу, многу високо. Секогаш ќе те турка силно. Тој секогаш ќе има големи очекувања“.

Тој вели дека ако со некого работиш доволно долго, почнуваш да предвидуваш каков ќе биде неговиот фидбек, односно за што се грижи.

„Значи, сè додека се уверите дека го прифаќате тоа, покрај прифаќањето на она во што верувате и она што е приоритет, мора да го најдете тој баланс“, вели Мосери, додавајќи дека тој баланс најчесто го има со Цукерберг.

Бонитет.ком