Северна Кореја истрела две балистички ракети со краток дострел

Северна Кореја истрела две балистички ракети со краток дострел во близина на нејзиниот источен брег, објави Ројтерс, повикувајќи се на соопштение на војската на Јужна Кореја.

Тестовите се одржаа околу 7:40 часот по локално време (22:40 часот по Гринич), при што проектилите беа истрелани од провинцијата Јужна Хванга.

Јужнокорејската војска е во целосна готовност во тесна координација со САД.

Пред два дена Северна Кореја истрела два стратешки ракети од подморница, а вчера започнаа најголемите заеднички американско-јужнокорејски воени вежби од 2017 година.

Пјонгјанг долго време е претпазлив од сојузничките вежби и ги гледа како проба за инвазија.

Во неделата севернокорејските власти соопштија дека одлучиле да преземат „важни практични“ мерки за одвраќање на војната, посочувајќи дека „воените провокации на САД и Јужна Кореја достигнаа црвена линија“.